Now Playing Tracks

الموضوع بسيط خالص ،،،

الجواز زيه زي أي علاقة ما بين اتنين على الكوكب ده ، قائمة في الأساس على تبادل المنفعة “أي منفعة” ، أيا كانت بقى مادية أو معنوية (مال - جمال - جاه - علم - ثقافة - جنان .. إلخ) ، و كل واحد بيختار المواصفات اللي تناسبه حتى لو كانت خارجة عن المألوف !

بس المهم الواحد يكون صريح مع نفسه و عارف المواصفات اللي هتناسبه فعلا ، و لو شروطه نادرة أو تعجيزية لازم يصارح نفسه برضو و مايقعدش يكابر .. علشان لما العمر يجري بيه و يلاقي نفسه لسة مالاقاش شريك حياته ما يقعدش بقى يندم و يبكي و يقرفنا معاه .. علشان إحنا مش ناقصين .. خالص و الله !

مآسي الشغف

أنا أكتر إنسان في الدنيا ممكن يكون شغوف بالعلم و الشغل .. لكن مش دائما !

مشكلة إني بفصل في النص و بفقد تركيزي بالتدريج لحد ما آلاقي نفسي منعزلة عن الدنيا كلها ..

و مابيفضاش مكان في دماغي إلا للمزيكا و التدوين

أحيانا بحسد الناس العمليين اللي مابيسرحوش كتير و دائما مركزين في كل حاجة حواليهم .. حقيقي كنت حققت إنجازات كتير في حياتي

لكن أنا سعيدة بكل لحظة بعيش فيها بعيد عن الناس و الدنيا كلها .. دي كلها حاجات الناس العمليين مايعرفوش عنها حاجة :-)

We make Tumblr themes